Богати се со витамин Ц, со штитат имунитетот од сериозни настинки, помагаат во одржувањето на витката става и при тоа се многу вкусни.
Мандарини за витка става
Како идеална намирница за јакнење на имунитетот и за витка става, се препорачува мандарина која во составот е слична на портокалот: богата е со витамини Ц и А, фолна киселина и калиум, витамините од Б групата, калциум, магнезиум, цинк, бакар и железо.
Го намалуваат лошиот холестерол
Истражувањата покажале дека кожата на мандарината содржи хранливи соединенија кои ефикасно го намалуваат лошиот холестерол.
Спречуваат дебелина
Научници откриле дека хранливите состојки скриени во мандарините спречуваат дебелина, нудат заштита од дијабетес тип 2 и атеросклероза. Станува збор за болести кои се одговорни за појава на срцев, но и мозочен удар.
Идеални за подготовка на оброци
Мандарината е овошје кое може да го користите во разни јадења, особено во свежи салати. Сокот од мандарина може да се користи и во подготовка на тестенини, а добар додадок е во подоготовката на колачи. Исто така, сокот од мандарина може да се користи во подготовка на јадења од пилешко месо или риба.
Добри се и за кожата
Од мандарината се прави и маска за лице, која служи за здрав и сјаен изглед на кожата. Земете четири резенки мандарина, отстранете ги семките и измиксирајте ги во блендер заедно со една лажица јогурт и лажица мед. Нанесете ги на лицето и вратот, оставете да делува 10 до 20 минути, па измијте го лицето со ладна вода. Маската може да ја користите два пати неделно ако имате масна кожа или еднаш во неделата ако имате сува или нормална кожа.
Го подобруваат расположението
Верувале или не, мандарините може да го подобрат расположението, тврдат од клиниката Мајо. Мирисот на мандарина помага при стрес, депресија и тегоби. Ако имате лош ден и сакате да се чувствувате поопуштени, пробајте да консумирате мандарини.
Потешките мандарини се подобри
Бирајте потешки мандарини бидејќи тие содржат повеќе вода и сок. За да не се губат вредните нутриенти, мандарините се препорачува да се држат подалеку од директна светлина. Најдобро е да се консумираат до седум дена од купувањето.
