Во овие студени зимски денови вистински извор на толку потребниот витамин Ц кој штити од грип и настинки е мандарината, која во 100 г содржи 32 милиграми витамин Ц, што е двојно повеќе од портокалите.
Портокаловиот каротеноид бета криптоксантин може да го намали ризикот од рак на белите дробови кај пушачите за дури 37 отсто, додека сокот од мандарини делува добро кај луѓето заболени од хепатитис Ц и од рак на црниот дроб. Соединението ноблетин во мандарините штити од дијабетес тип 2.
Освен што мирисаат убаво, мандарините се богати со витамин А и фолна киселина. Од минерали во мандарините има калиум, калциум, магнезиум, бакар и железо. Покрај тоа, во нив ќе најдете и четири проценти од дневната вредност на калциум, неопходен за градење и одржување на коскената густина.
Мандарината содржи 85 проценти вода, која организмот ја користи за да ги исчисти токсините и да го поттикне метаболизмот.
Мандарината помага во борбата со лошиот холестерол и го штити срцето
Пектинот во неа го спречува растот на нивото на шеќер во крвта, а со тоа и чувството на глад, па им се препорачува на сите кои сакаат да се ослободат од вишокот на килограми. Исклучително е богата со диетални влакна и позитивно делува на системот за варење.
Еве дел од благодатите на мандарината:
- штити од рак
- го спречува стареењето на кожата
- помага во зараснување на рани
- го зајакнува имунитетот
- штити од дегенеративни заболувања
- помага да се спречи артритис
- го забрзува метаболизмот
- го намалува апетитот
- помага да се зачува видот
И уште нешто: не фрлајте ја кората. Исечкајте ја, исушете ја, па користете ја за чај или колачи. Белиот дел од кората содржи голема количина на пектин.
