Многу истражувања докажале зошто би требало мангото да најде на вашето дневно мени, а ако не сте сигурни во неговата моќ, проверете зошто оваа намирница е толку корисна.
Против дијабетес
Неодамна една студија претставена на конгерсот на Федерацијата на американските здруженија за експериментална биoлогија, покажала како на животните кои секојдневно во период од 12 недели консумирале по девет грама смрзнато и дехидрирано манго им се намалило нивото на шеќер во крвта. Ова откритие би можело да им помогне на пациентите со дијабетес да ја држат под контрола глукозата во крвта.
„Иако механизмот со кој делува мангото на ваков начин бара дополнителни истражувања, знаеме дека тој содржи мешавина на полифеноли“, објасни Едралин Лукас, лидер на истражувањето. Полифенолите се природни хемикалии кои се наоѓаат во билките и делуваат антиоксидативно, што значи дека спречуваат болести на молекуларно ниво.
Штити од рак на дебелото црево и на дојка
Мангото, исто така, може да помогне во спречување на растот на клетките на ракот на дебелото црево и на дојка, судејќи според резултатите на студијата на истражувачи на Texas AgriLife Research кои ги проучувале петте најчести видови манго достапни во САД. Мангото е вистински рудник на влакна, витамини А, Б6 и Ц, како и состојки наречени тритерпен и лупеол кои можат да го инхибираат ракот на дебелото црево и на дојка.
Сојузник за слабеење
Освен што штити од шеќерна болест и одредни типови на карцином, мангото може да биде сојузник на сите оние кои водат битка со вишокот килограми. Со оглед дека внатрешноста на мангото е исклучително месната, ова овошје пријатно заситува, а со оглед дека дека е богато со влакна ќе помогне во елиминација на токсините од телото. Токму поради тоа својство мангото е идеално за детоксикациска диета.
Во летниот период сакаме да се свртиме кон храната која ќе ни помогне да ја подготвиме кожата за силното сонце или ќе ни даде потемен тен на кожата. При тоа, мангото е од голема помош бидејќи во себе крие висока содржина на бета каротен.
