Прв пат и било дијагностицирано биполарно растројство кога завршила во болница во 2001 година поради нервен слом. Во тоа време Мараја Кери не можела да прифати што и се случило, пренесува „Prevention“.
Познатата пејачка по тој настан не сакала да побара помош околу својата психичка состојба, но неодамна го променила мислењето, истакнувајќи дека последните неколку години и биле најтешките во животот.
Во 2014 година се разведува од својот сопруг, раперот Ник Канон, со кого има две деца. Потоа започнува нова врска со австралискиот бизнисмен Џејмс Пакер, оваа романса пука во 2016 година.
Следувал завршен удар – откажување на нејзиното реално шоу „Mariah’s World“ по само една сезона емитување.
„Живеев во заблуда и изолација, во постојан страв дека некој ќе ме открие“, изјавила Кери за магазинот „People“.
„Тоа беше еден голем товар кој повеќе не можев да го носам. Побарав и добив помош, се опкружив со позитивни луѓе и се вратив на она што отсекогаш сум го сакала – пишувањето песни и снимањето музика“
Кери сега се лекува од биполарно пореметување тип 2, кое вклучува депресија и хипоманија.
Вели дека лековите не ја прават премногу уморна, ниту тромава. Долги години мислела дека има сериозно пореметување на спиењето, бидејќи речиси никогаш не спиела, постојано работела и многу се плашела дека сите ќе ги разочара.
На крајот, се покажало дека тоа е форма на манија, а не несоница.
Доживувала и крахови и поради тоа паѓала во депресивни епизоди на нејзиното пореметување.
Кери одбива да биде дефинирана или контролирана од страна на нејзината болест
„Се чувствував толку осамено и тажно – дури и виновно што не го градам она што би требало за својата кариера“, изјавила Кери.
Сега Мараја Кери и се врати на кариерата и признава дека и е многу подобро откако отворено говори за својот проблем.
Се надева дека наскоро ќе ја отстрани социјалната стигма поврзана со ова пореметување, бидејќи, како што вели, тоа не е нешто што ја дефинира личноста.
