Колку често ви се случува да пуштите една епизода од некоја серија, но од екранот да се тргнете дури после четири-пет часа, па дури и повеќе? Тимот на истражувачи од Универзитетот во Левен проучувал како токму маратонското гледање серии влијае на сонот и здравјето воопшто. Во истражувањето учествувале 420 личности на возраст од 18 до 25 години.
Истражувањето покажало дека вообичаеното гледање телевизија, кое подразбира префрлување од една на друга содржина, не влијае негативно на спиењето или заморот. Од друга страна, кај испитаниците кои имале обичај често да гледаат голем број епизоди од една иста серија воочен е полош квалитет на сонот, дури и ако навечер спиеле минимум 7 часа. Овие испитаници, исто така, се жалеле на замор.
Кога во текот на подолг временски период од неколку часа гледаме една иста содржина, после тоа често и понатаму размислуваме за тоа што сме гледале, се прашуваме што ќе се случи понатаму итн. На овој начин се зголемува возбудата, па дури и се забрзува пулсот, заради што после тоа е потребно повеќе време да се смириме и да заспиеме. Резултатот е, логично, полош сон, па дури и зголемен ризик од умор во текот на следниот ден.
