Нема некој што барем еднаш не уживал во масажа на стапалата, активност која може да донесе многу задоволство, но и придобивки за здравјето, особено ако се применува секојдневно, пред спиење. Дополнета со ароматично масло за масажа или не, редовната масажа на стапалата докажано го смирува умот и помага доколку сте под стрес или се борите со настинка или со несоница. Лекарите препорачуваат стапалата да се масираат што почесто, ако може секој ден, непосредно пред спиење, за постигнување најдобар ефект. И телото и умот ќе бидат многу благодарни.
Еве некои од позитивните ефекти од едноставната самомасажа на стапалата
- Зајакнување на имунитетот
Стимулацијата на рефлексите во нозете преку масажата релаксира и лекува. Опуштањето на телото ги спречува штетните ефекти од стресот, па редовната масжа може да ве заштити од многу болести поврзани со стресот
- Енергија и подмладување
Масажата на нозете е окрепувачка бидејќи е извор на енергија. Според теоријата на рефлектолозите, масажата на стапала ги ослободува блокадите кои ја држат енергијата слободно да тече низ телото.
- Подобра циркулација
Циркулацијата на крвта низ телото е одговорна за транспортот на кислород и заисхрана за клетките. Исто така ги чисти токсините од телото
- Рамнотежа и хармонија
Хомеостаза е кога сите системи на телото работат во хармонија еден со друг за да останат во рамнотежа, а масажата на стопалата може да ја стимулира хомеостазата
- Мир и релаксација
Масажата на стапала може да ја намали вознемиреноста и да релаксира
Времетраењето на масажата треба да биде околу петнаесетина минути. Лесно, со кружни движења се масира целото стапало, петиците, секој прст одделно, а потоа кон горните делови на ногата, сѐ до потколеницата. Повторете ги движењата повеќепати и додадвајте масло секогаш кога сметате дека е потребно. Уживајте во мир и тишина, а ако почувствувате потреба, затворете ги и очите.
