Камења во бубрези може да биде многу болна и непријатна појава, но добра работа е што постојат голем број на природни лекови со кои може да пробате да го решите овој проблем и побрзо да ја намалите болката.
Камења во бубрезите се кристални агрегации на растворените минерали во урината, кои обично се создаваат во мочниот меур или во бубрезите и предизвикуваат многу силна болка, кога поминуваат низ нив. Симптомите кои укажуваат дека во бубрегот има камења се силните болки, кои најчесто се појавуваат наеднаш, а за жал, предходно речиси и да не постојат други симптоми кои би ни најавиле дека нешто се случува во бубрегот.
Болката може да се појави во долниот дел на стомакот, во препоните, во грбот и под ребрата. Покрај тоа може да има и честа потреба за мокрење, силен мирис и промена на бојата на урината и болка за време на мокрењето.
Еден од најефикасните природни лекови за камен во бубрег, што се користи повеќе од 300 години е мешавината на маслиново масло и сок од лимон. Се подготвува едноставно, со мешање на 25 милилитри свежо исцеден сок од лимон со иста количина на маслиново масло. Се пие два до три пати на ден, заедно со поголема количина вода. Може да се пие неколку дена по ред, сѐ додека не се исфрлат камењата.
