Не секогаш се потребни скапи препарати за сончање со чија помош ќе имате бронзен тен, но она што треба да го имате на ум е дека НЕ секое масло е здраво да се користи, велат дерматолозите.
Иако многумина од нас го користат како опција за сончање, важно е да се нагласи дека кантарионовото масло не смее никако да се става пред излегување на сонце. Доколку се намачкате треба да знаете дека мора да поминат барем 24 часа за да можете да се изложите на УВ зрачењето за да бидете сигурни дека нема да добиете непосакувани нус појави.
Истото важи и за маслиновото масло кое има фантастичен ефект на кожата, односно ја влажни и ја прави еластична, но не штити од ултравиолетовите зраци. Многу често маслиновото масло може да предизвика и изгореници кои доведуваат и до трајни оштетувања на нашата кожа – хиперпигментација, соларна кератоза или меланом.
Не експериментирајте, одберете соодветна крема за сончање и уживајте во одморот!
