Продукти со висок процент на незаситени масти можат да го заштитат здравјето од кардиоваскуларни заболувања. До ваков заклучок дошле специјалисти од Истражувачкиот центар по биотехнологија во болницата Св. Архангел Михаил во Торонто. Нивното истражување е објавено во списанието Nature Communications.
Еден од тие производи е маслиновото масло. По неговата употреба во органзимот се зголемува концентрацијата на протеини во крвната плазма – аполипротеин A-IV (ApoA-IV). Високата содржина на оваа супстанца е поврзана со намалување на ризикот од срцеви болести.
Резултатите ги оправдуваат медицинските лица кои тврдат дека плазма протеинот ја потиснува тромбоцитната активност. Покрај тоа, тестовите покажале дека аполипопротеинот А-IV има свој „биолошки часовник“ – тој е најактивен во текот на ноќта и „одмора“ наутро, пишуваат научниците.
„Мајката природа сака да спиеме добро. Значи, ние сме заштитени со овој протеин кога спиеме и сме најранливи на срцеви заболувања наутро кога се будиме“, вели водечкиот автор на студијата, д-р Ха Нои, кој е директор на Центарот за хематологија, онкологија и автоимуни болести во болницата.
