Сусамовото масло е богато со антиоксидантите – сезамол и сезаминол, кои го штитат организмот од штетното дејство на слободните радикали, додека истовремено ги ублажуваат воспалителните процеси.
На Тајван, на пример, сусамовото масло традиционално се користи за ублажување на болките во зглобовите (така што се втрива на болните места). Една студија спроведена во Иран, исто така, покажала дека нанесувањето на сусамовото масло на местото на тапите трауми на рацете и нозете го намалува интензитетот на болките и потребата за земање аналгетици.
Сусамовото масло, исто така, обилува со повеќекратно незаситени масни киселини за кои истражувањата покажале дека поволно влијаат на кардиоваскуларното здравје.
