Во обидите за подобро здравје секој од нас би требало да внимава на своите животни навики и на намирниците кои најмногу ги консумира. За нормално функционирање без здравствени проблеми потребно е да знаете која е најлоша храна за варење.
Здравата дигестија е важна затоа што само на тој начин организмот успешно се чисти од сите токсини и се намалува можноста од настанување на тешка и смртоносна болест како што е ракот на дебелото црево. Иако организмот треба да биде во состојба да ја преработи сета храна која ја внесуваме, очигледно е дека поради начинот на подготовка и она што одредени видови на намирници го содржат, желудникот и цревата нема секогаш добро да реагираат.
Брзата храна е позната по тоа дека во себе покрај нездрави масти содржи и прекумерно количество шеќер што доведува до грчеви и надуеност
Луѓето кои се нетолерантни на лактоза имаат голем проблем и поради тоа треба да избегнуваат млечни производи, иако се корисни и здрави бидејќи содржат многу калциум. Млечните производи се најлошата храна за оние кои не толерираат лактоза.
Без оглед што пченката е богата со растителни влакна, во себе, исто така, содржи и целулоза која за многумина е многу тешко да се свари поради недостаток на одреден ензим. До проблем доаѓа ако пченката се проголта без џвакање, бидејќи предизвикува болки во стомакот и гасови
Масната и пржената храна, исто така, го најде своето место меѓу најлошите намирници за варење. Станува збор за нездрав начин на подготовка на храна, која може да предизвика „киселини“ и бледа столица, која е знак дека во крвта постојат премногу маснотии, што никако не е добро за здравјето.
Наместо споменатите намирници треба да се ориентирате кон намирници како што е јогуртот во кој се наоѓаат многу добри бактерии, потоа кон овошје и зеленчук, бидејќи тие содржат висок процент на влакна, како и производи од житарки со цели зрна. Од овошјето, најмногу се истакнува бананата, која не го иритира желудникот.
Тешко е да се замисли добар процес на варење без доволна количина на вода, која и помага на храната побрзо да помине низ цревата и на тој начин што помалку да ги оптовари.
