Вкупната количина на патогени на коронавирус со кои во светот се заразија 53 милиони лица, ја собира во малку повеќе од една чајна лажичка, пресметал австралискиот математичар, Мет Паркер.
Со други зборови, кога би се собрале сите патогени кои досега заразиле 53 милиони пациенти во светот, би се добил волумен од осум милилитри течност, објаснува Паркер и додава дека во една чајна лажичка собира околу шест милилитри течност.
Математичарот Паркер изнесе и неколку претпоставки за да дојде до споменатиот број, но вели дека дури и во најголемата проекција на неговата проценка, целокупната количина на коронавирусот би успело да ја собере во мала чашка за ракија, што изнесува 45 милилитри течност.
“Целиот хаос кој настана во светот се сведува на една лажичка проблеми“, вели тој и додава дека “честичките на коронавирусот се многу мали и тие се само код кој ги уништва здравите клетки“.
Всушност, КОВИД-19 е милион пати помал од човечката клетка, а Паркер, како соработник во научна емисија на Би-Би-Си изработил своја проценка на бројот на клетки во секој заболен од вирусот на основа на вирусното оптоварување измерено со брисеви, односно на основа на резултатите од истражувањата објавени во медицинското списание Lancet.
Користејќи бројка од 300.000 секојдневни нови случаи на инфекции во светот и со претпоставка дека секое лице е заразно 14 дена, го пресметал бројот на лица кои во моментов се носители на вирусот. Кога се помножил, пресметал дека сите тие заедно во организмот имаат 3,3 квадрилиони клетки на КОВИД-19.
