Матната урина може да биде знак на лоша дигестија на одреден тип на храна, витамини, додатоци во исхраната или пијалаци. Исто така, може да биде предизвикана од вагинален исцедок, кој кај мажите може да се појави по сексуален однос. Обидете се да ги промените своите животни навики или исфрлете некои додатоци кои ги земате – бојата на урината би требало за брзо време да се избистри. Немате причина за загриженост доколку бојата е матна само непосредно по полов однос.
Тешко е прецизно да се каже што точно ја предизвикало матната урина без стручна помош на лекар, кој ќе побара уринарен тест и ќе ја согледа целосната здравствена состојба на лицето.
Доколку боледувате од некоја блага тегоба која не сте ја лекувале, таа ќе влијае на бојата урината. На пример, циститисот е вид на воспаление на мочниот меур чија главна карактеристика е заматена урина. Ако не се лекува, циститисот може да доведе до воспаление на бубрезите или мочоводот (уретер) – два сериозни здравствени проблеми. Можна е и инфекција на уринарниот тракт, која ја третира на ист начин како и воспалението на мочниот меур.
Матната урина може да значи и гонореја, билхарзија или воспаление на бубрезите. Доколку гонорејата не се лекува, таа може да резултира со епидидимитис. Оваа болна и непријатна тегоба може да доведе до неплодност кај мажите. Билхарзијата е паразитска болест која е специфична за Азија, Африка и Јужна Америка, а предизвикува компликации во цревата и мочниот меур. Ако не се лекува, воспалението на бубрези може да биде извор на сериозни проблеми.
Ако по два до три дена не видите подобрување на бојата на урината, задолжитело побарајте лекарска помош и направете уринарен тест.
Споменатите здравствени проблеми може да предизвикаат многу маки кај секој маж, а многу се едноставни за лекување кога ќе се откријат навреме.
