Мажи, дали мокрите често и итно?

По 50 година многу мажи се принудени да уринираат почесто и итно, за што е виновна зголемената простата, која се нарекува бенигна хиперплазија на простатата, но ако симптомите се благи, тогаш доволно е само да се направи промена во внесот на течности, односно да се намалат, препорачуваат експертите.

Околу 1,5 литри течност на ден – и ништо повеќе од тоа, е препорачана количина на внесување на течности, според Германскиот институт за квалитет и ефикасност на здравствена заштита (IQWIG). За да го одбегнат будењето во текот на ноќта за да одат во тоалетот на мажите им се препорачува да не пијат течности час до два пред спиење. Ова особено се однесува на внесувањето на течности кои содржат кофеин или алкохол, бидејќи имаат диуретски својства.

Бенигната хиперплазија на простатата може да го отежне излачувањето на урината, бидејќи зголемениот притисок го притиска мочниот канал кој ја пренесува урината од мочниот меур во пенисот. Ако тегобите го нарушуваат квалитетот на животот или почнуваат да се комплицираат, можно е да се развие инфекција на уринарниот тракт, поради неможноста целосно да се испразни мочниот меур. Во тој случај мажите треба да се јават на доктор односно уролог кој ќе им препише терапија со лекови.