Постарите мажи кои не се откажуваат од своите пријатели на две тркала ни во подоцнежните години од животот, успеваат да ја избегнат „машката менопауза“ и поспоро стареат, покажало новото истражување.
Британската студија покажала дека постарите мажи, па дури и на 79-годишна возраст, имаат повисоко ниво на тестостерон од многу помлади мажи, мускулна маса и процент на масти како на дваесетгодишници – доколку се занимаваат со велосипедизам, пренесува „Дејли мејл“.
Оние кои можат да поминат со велосипед 100 километри под 6,30 часа, ќе ја избегнат „машката менопауза“ – имено, падот на нивото на тестостерон е виновен за заморот, намалено либидо и депресија.
Меѓу другото, студијата открила дека покрај горе наведеното, возењето велосипед им помага на постарите мажи да бидат помалку подложни на сезонски инфекции, како грип, норовирус и пневмонија.
Научниците од Универзитетот во Бирмингем откриле дека мажите и жените кои се фит можат да ги заобиколат знаците на стареење, за кои претходно се мислело дека се неизбежни.
Професорката Џенет Лорд изјавила: „Хипократ 400 п.н.е. рекол дека вежбањето е најдобриот лек за човекот, но неговата порака била изгубена низ времето, а ние станавме растечно седечко друштво“.
„Во секој случај, нашите наоди го побија врежаното мислење дека стареењето автоматски не прави немоќни и слаби“, изјавила професорката.
Лорд објаснила дека овие резултати покажуваат силни докази дека охрабрувањето на луѓето да се посветат на редовно вежбање во текот на животот го решава проблемот и фактот дека денеска живееме подолго, но не и поздраво.
Биле споредени 125 средовечни до постари аматери велосипедисти, кои возеле велосипед во просек од 26 години, со луѓе на иста возраст, кои не вежбале редовно.
Нивото на тестостерон кај пензионерите – велосипедисти било еднакво како и кај младите мажи со кои ги споредиле, што значи дека ја одбегнале машката менопауза.
