На листата на ризик фактори за развој на рак се наоѓаат и генетиката, начинот на живот, како и надворешните фактори. Сепак, еден фактор има огромно влијание, а тоа е она што јадете.
Нашето тело е способно да ја процесуира енергијата, да се чисти од токсини и отпад, да ја регулира својата температура, а дури и се штити од опасни инфекции. Но, ако го полните со преголема количина на лоша храна, тој неверојатен механизам многу брзо ќе почне да негодува – пред да се расипе.
Нова студија објавена во списанието British Medical Journal открива дека токму внесот на намирници кои не нудат хранливи материи, минерали и витамини е главниот фактор за обезност и развој на болести. Денес, експертите предупредуваат за видот на храна која е опасна и е поврзана со 29 отсто поголеми шанси дека ќе се случат промени поврзани со здравјето.
МАЖИТЕ КОИ ГО ЈАДАТ ОВА ИМААТ ПОГОЛЕМИ ШАНСИ ДА РАЗВИЈАТ РАК НА ДЕБЕЛОТО ЦРЕВО
Резултатите од оваа студија не се добри за сите мажи кои сакаат да јадат ултра-обработена храна, а тоа ќе значи и 29 отсто поголем ризик од развој на рак на дебелото црево, во споредба со мажите кои не консумираат често таква храна.
Со цел да се утврди како тоа храната влијае на развојот на рак на дебелото црево, истражувачите кои стојат зад студијата од Универзитетот Харвард и Туфус ги провериле сите прашалници и одговорите на нив од 200.000 испитаници. Податоците се собирале 25 години, а дале увид во долготрајните прехранбени навики на испитаниците. Одговорите се класифицирани на скала од најмалку консумирање на преработена храна до најголема консумација. Тие заклучиле дека мажите кои јаделе најмногу таква храна имаат и најголеми шанси да кај нив се развие рак на дебелото црево.
УЛТРА-ПРОЦЕСУИРАНА ХРАНА – ЕВЕ ЗОШТО Е ТОЛКУ ОПАСНА
Експертите сметаат дека може да има многу причини зошто овој вид на храна се поврзува со развој на рак и дека не станува збор само за ниска хранлива вредност. Всушност во неа може се најдат и козметички адитиви, неформирани соединенија и намалена способност за апсорпција на нутриентите од преработената, процесуирана храна кои може да бидат некои од причините зошто би можело да дојде до зголемен број на болести.
Според Фанг Фанг Џанг, епидемиолог и претседател на Факултетот за нутриционистички науки, овие фактори можат да ја променат микробиотата и да предизвикаат воспалителни процеси, што лесно може да доведе до развој на рак.
Кога ги анализирале податоците, експертите откриле кои намирници се поврзани со ракот на дебелото црево кај мажите, а тоа се готови јадења кои содржат месо, пилешко, мисиркино или риба.
“Овие производи се оние што може да содржат преработено месо како сланина, колбаси, а тоа се совпаѓа со нашата хипотеза“, вели д-р Лу Ванг. Тој додава дека преработеното месо, од кое најголемиот дел спаѓа во групата на ултра-процесуирани намирници, покажува силна поврзаност со развојот на рак на дебелото црево.
Таквите намирници често се полни со додадени шеќери и содржат малку влакна, што ќе придонесе за таложење на килограми и обезност, а токму обезноста е ризик фактор за развој на рак на дебелото црево.
