Нова студија пронашла врска помеѓу бројот на склекови кои индивидуата може да ги направи и ризикот од кардиоваскуларни болести. Резултатите од истражувањата покажале дека мажите во средната животна возраст кои успеваат да направат 10 склекови имаат помал ризик од срцев и од мозочен удар за дури 97%.
Кардиоваскуларните болести се водечка причина за смрт во светот. Добро е познато дека пушење, хипертензијата, дијабетесот и недостатокот на телесна активност се едни од главните ризик фактори за развој на кардиоваскуларните болести.
Атеросклеротските промени на крвните садови, кои на крајот може да доведат до срцев или до мозочен удар, почнуваат рано, често уште во 20. години. Одржувањето на телесната кондиција, без разлика на годините, се важен начин за намалување на ризикот од кардиоваскуларни заболувања.
Во ова истражување учествувале 1.104 мажи на возраст од 21 до 66 години. Кај 37 од нив дошло до развој на здравствени проблеми врзани со кардиоваскуларна болест, вклучувајќи затајување на срцето, изненадна срцева смрт и болест на коронарните артерии.
Способноста на правње на поголем број на склекови била позитивно поврзана со аеробниот капациете и физичката способност кај лицата. Колку едно лице било во подобра телесна кондиција, толку нејзиниот ризик за развој на срцев или на мозочен удар бил помал во наредните 10 години.
