Татковците кои пијат алкохол пред зачнувањето ги изложуваат своите бебиња на ризик од вродени срцеви заболувања, открило истражувањето спроведено над 340 000 новороденчиња. Алкохолот има тератогени својства (опасни по живот) кои можат да предизвикаат вродени мани кај бебињата.
Мажите би требало да престанат да консумираат алкохол шест месеци пред да се обидат да добијат бебе за да го заштитат од вродените срцеви болести, предупредуваат научниците. Обемното истражување спроведено над 340 000 новороденчиња открило врска меѓу татковците кои пиеле пред зачнувањето и бебињата со вродени срцеви мани. Мажите кои во период од три месеци пред зачнувањето редовно консумирале поголеми количества алкохол за 42 проценти го зголемиле ризикот од развивање опасни болести кај своите потомвци, во однос на татковците кои не пиеле.
Статистиките кога станува збор за жените се нешто поинакви. Идните мајки кои консумирале алкохол во тој период ризикот го зголемиле за 16 отсто.
Истражувачите од Универзитетот Централ Саут во Кина советуваат мажите да не пијат алкохол шест месеци пред зачнувањето, а жените една година порано, како и во целост да го одбегнуваат за време на бременоста.
„Забележавме дека ризикот од појава на вродени срцеви болести расте кај бебињата чии родители се редовни консументи на алкохол“, наведуваат кинеските научници.
Конгениталните (вродени) срцеви болести се најчести заболувања кои погодуваат околу 8 % од сите новороденчиња секоја година. Оваа состојба е комбинација од четири абнормалности во срцевата структира и погодува 5 од секои 10 000 штотукуродени бебиња.
