Ако сте мислеле дека мажите се помалку чувствителни суштества, во заблуда сте. Тие всушност се многу „помеки“ и потешко поднесуваат болка во однос на дамите, тврди група научници од Австрија. Студијата покажала дека припадниците на посилниот пол полошо се носат со најобичниот грип, главоболката и маките во грбот. Освен тоа, чувствуваат и многу поголема болка после операција.
За време на четиригодишното истражување, научниците интервјуирале 10 000 мажи и жени во првите 24 часа после хируршка интервенција. Учесниците одговарале на прашања за операцијата, анестезијата која ја примиле и нивото на болка. Според наодите на истражувачите, поголема била веројатноста мажите да чувствуваат посилна болка после големи васкуларни и ортопедски операции, што и се покажало точно. Жените затоа, пак, пријавиле поголеми тегоби после помали процедури како што се биопсии. Меѓутоа, половите разлики во перцепцијата на болката и понатаму се во голема мера оспорувани, како во експерименталните така и во клиничките области, наведуваат авторите на студијата.
