Кога ќе не зачеша кожата се чешаме и не и придаваме многу значење на причината заради која тоа се случува; кога имаме болка во мускулите обично мислиме дека ќе помине. Но кога симптомите траат долго и не поминуваат можеби телото дава знак дека сепак станува збор за нешто посериозно.
Промена на кожата која не поминува
Можеби мислите дека е само мозолче или нов младеж, но некоја новонастаната неправилност може да е карцином на базалните клетки, облик на рак кој ги погодува мажите и до два пати почесто од жените. Овој рак не метастазира брзо како меланомот, но колку подолго го одложувате отстранувањето, проблемот станува посериозен.
Кашлица која не престанува
Постојатаната сува кашлица која трае четири недели или подолго или честата зарипнатост може да се знак за гастроезофагеална рефлуксна болест ГЕРБ. Постојаната каплица може да е знак и за астма или, поретко рак на белите дробови или застој на срцето.
Проблеми со мокрењето
Забележувате дека се почесто станувате во текот на ноќта за да мокрите или чувствувате како да ви се оди во тоалет, но млазот на урина е мошне слаб или мокрењето е болно? Причината за тоа е често зголемената простата, што некогаш во животот ја чувствува дури половина од мажите. Проблемите со мокрење може да се сигнал и за други проблеми како дијабетес или рак на простата.
Проблеми во спалната соба
Секој маж кој одненадеж ќе почувствува проблеми во сексот треба да посети лекар. Не мислете дека сте премлади за еректилна дисфункција, овој проблем измачува околу четвртина од мажите на возраст од 40 години, па и помлади. Некогаш се јавува заради стрес, анксиозност и лоши навики како пушење и алкохол, но еректилната дисфункција може да биде и ран показател за сериозни кардиоваскуларни проблеми. Запушените крвни садови го намалуваат дотокот на крв во срцето и пониско, па ран преглед може да ја открие причината и можеби да спрели срцев, па дури и мозочен удар.
Депресија
Мажите често не покажуваат јасни симптоми на депресија, а место повлекување и чувство на тага, покажуваат лутина. Исто така, помаку веројатно е дека ќе побараат помош.
