Она што се истакнува како најголема предност на медитацијата е внaтрешниот мир, контрола на емоции, полесно постигнување и ставање на фокусот на работата или на други активности, намалување на влијанието на стресот и полесно справување со него, подобро внимание и концентрација.
Но она што го нагласуваат многумина е и подоброто запознавање на сопствениот начин на функционирање, контрола на сопствените постапки, но и разбирање на некои модели и реакции.
Од каде да се почне?
Постојат низа едноставни упатства како да се почне примената на медитацијата како дел од секојдневната рутина. Наменети се за почетници, но се темел на секое квалитетно спроведување на медитација.
Седете во мир две минути
Наизглед едноставно, но многумина не можат ниту две минути да седат целосно мирно. Седнете, пронајдете удобна положба и само бидете мирни и мирно дишете. Една недела одвојте две минути во текот на денот и само мирно седете. По таа недела, зголемете го времето на четири минути. Зголемувајте го времето додека не постигнете време од осум минути, што е извонреден резултат.
Направате го тоа наутро по будење
Многу е едноставно да кажете „секој ден ќе медитирам“, но многу луѓе лесно ја забораваат таа одлука и почнуваат да прекокнуваат денови. Успехот во медитацијата, како во способноста и увежбаното опуштање зависи од редовноста. За да стекнете навика за утринска медитација, ставете си потсетник и одвојте неколку минути за медитација секое утро, веднаш штом се разбудите.
Не грижете се како, туку само медитирајте
Почетниците често се грижат околу неколку прашања: Како треба да седам? Треба ли да се потпрам на нешто? Може ли да користам перница? На почетокот тоа навистина и не е важно, одберете начин кој вам најмногу ви одговара и само седете. Можете да седнете на под, на кревет, на столица, каде и како се чувствувате опуштено и удобно. Можете и не морате да ги прекрстите нозете. Важно е само да можете што подобро да се опуштите и да се чувствувате пријатно.
Бројте вдишувања
Кога удобно ќе се сместите, освестете го сопственото дишење. Размислувајте за начинот на кој вдишувате и така фокусирајте се на воздухот кој низ нос го испуштате од белите дробови надвор. Бројте ги вдишувањата, за да можете што подобро да се фокусирате.
Запознајте се себеси
Медитацијата не е насочена само на концентрацијата и на фокусот, туку и на запознавањто себеси. Се работи запознавање на принципот на функционирање на нашите мисли. Токму со запознавањето се развива и способноста на контрола и надзор на мислите.
Насмевнете се
Кога ќе завршите со медитацијата задолжително насмевнете се. Бидете среќни дека сте направиле нешто позитивно за себе и дека ќе го направите повторно. Освестете дека медитацијата е позитивен начин на вежбање кој ви носи многу придобивки, како емотивни, така и физички.
