Медитацијата ја намалува болката поефикасно од многу аналгетици и доволно е само еден час вежбање за да се добие силен смирувачки ефект, покажало неодамнешно истражување.
“Истражувањето покажа дека еден час медитација може да го намали интензитетот на болката за 40%, додека непријатното чувство што болката го предизвикува за над 57%. Морфиумот и останатите аналгетици ја намалуваат болката во просек за 25%“, изјавил авторот на студијата Фадел Зеидан од Медицинскиот центар „Wake Forest“ во Северна Каролина.
За потребите на истражувањето биле ангажирани 15 волонтери кои никогаш претходно не медитирале. Тие во текот на четири по 20 минути сеанси медитација, учеле да го фокусираат вниманието на дишењето и да се ослободат од лошите мисли и чувства.
Пред и по медитацијата, истражувачите, на испитаниците им ја испитувале мозочната активност со помош на посебен вид на магнетна резонанца. Во текот на скенирањето, стручњаците на волонтерите им давале болен топлински стимуланс во нога и ја следеле реакцијата во нивниот мозок во текот на медитацијата и послеа неа. Дијагностичките снимки направени по медитацијата покажале дека степенот на болка драстично се намалил кај сите волонтери, кај поединци дури за 99%, се наведува во студијата.
