Сода бикарбона, позната по своето благотворно дејство врз организмот, е најчесто во служба на „прва помош“ при жиговина и киселини во желудникот. Медицинска сода бикарбона или „чиста“ сода помага да се стабилизира pH вредноста на организмот и да се спречат некои несакани состојби предизвикани од неговата прекумерна киселост.
За консумирање се препорачува медицинска (прочистена) сода бикарбона, а не комерцијална. Причината е во тоа што комерцијалната сода може да содржи штетни елементи во траги и други нечистотии.
Поради алкалните својства, содата се користи за регулирање на киселоста на разните пекарски производи и други видови на храна.
Освен за орална употреба, содата е и одлично природно средство за чистење на сите површини во домаќинството и често се користи во комбинација со јаболков оцет. Овие два производа претставуваат најдобар начин за чистење на животниот простор кај лицата кои се алергични на хемиските средства за чистење.
И покрај бројните корисни својства, содата треба да се консумира во нормални граници, бидејќи, сепак, претставува благо абразивно средство. Ова е битно да се напомене за сите оние кои содата ја употребуваат за нега на кожата, косата и забите.
Сода бикарбона против киселини во желудникот
Медицинската или чиста сода бикарбона со години се користи при стомачни проблеми и проблеми со варење на храната. Најголемата причина зошто толку многу се користи е токму тоа што содата ја неутрализира прекумерната киселина во желудникот, особено во денешно време кога се консумира многу нездрава и брза храна.
Сода бикарбона и лимон
Лимонот во комбинација со сода бикарбона има неколку корисни дејства за организмот. Напиток од лимонов сок и сода бикарбона, разматени во чаша вода, пожелно е да се консумира на празен желудник, се разбира, доколку тоа го дозволува здравјето на дигестивниот систем.
Прва придобивка од овој напиток е алкализирање на организмот и намалување на киселината, особено кај ацидоза поради претерано производство на киселини или намалена можност на бубрезите да ја отстранат од организмот. Содата и лимонот, исто така, го подобруваат варењето на храната и спречуваат чувство на тежина и надуеност во стомакот особено по консумирањето на тешко сварлива храна.
Уште една придобивка на овој пијалак е прочистување на организмот и црниот дроб од рано утро, обезбедување на организмот со витамин Ц, калиум и антиоксиданти, кои го заштитуваат, како и регулацијата на лошиот (ЛДЛ) холестерол со што долгорочно се намалува ризикот од проблеми со кардиоваскуларниот систем.
Прекумерната киселост на организмот може да доведе до развој на рак, па во таа смисла консумацијата на сода може да придонесе за алкализација и враќање на организмот во рамнотежа
Консумацијата на сода и лимон, освен чистење на организмот и подобрување на дигестијата, влијае и на отстранување на масното ткиво од организмот, а истовремено обезбедува повеќе енергија во текот на денот што е од голема помош за лицата кои редовно вежбаат.
Сода бикарбона – габи и нивно отстранување
Најчеста габа со која многумина се соочуваат во текот на животот е кандидата (Candida albicans), која е исклучително тешко да се отстрани од организмот. Покрај овие габи кои се среќаваат внатре во организмот, често габичните инфекции се појавуваат на кожата или ноктите.
Медицинската или чиста сода бикарбона одлично делува во сузбивање на габичните инфекции, бидејќи спречува нивно ширење и понатамошен раст. Иако самата не е фунгицидна, во комбинација со други состојки кои ги сузбиваат габичките како што се етеричните масла од лаванда и чајно дрво, дава одлични резултати.
Сода бикарбона – канцер и можни заблуди
Медицинската сода бикарбона или која било друга сода не може директно да влијае на спречување или сузбивање на рак. За жал, иако постојат различни тврдења или уверувања дека содата е чудесен лек против многу видови на канцер, тоа досега не е докажано.
Вистина е дека прекумерната киселост на организмот може да доведе до развој на рак, па во таа смисла консумацијата на сода може да придонесе за алкализација и враќање на организмот во рамнотежа.
Сода бикарбона – нуспојави
Иако во многу случаи позитивно делува на нашето тело, спречува разни болести и влијае на подобрување на имунитетот, сепак, како и другите лекови од „народната медицина“ содата во претерани количини може да предизвика негативни последици.
Претерано алкализирање на организмот, исто така, не е препорачливо, па затоа терапијата со сода трае само 2-3 недели во континуитет. После терапијата потребно е да се направи пауза од еден месец или повеќе. Најголемата дневна доза на сода бикарбона изнесува две супени лажици (околу 30 г), но се препорачува консумација на 1 лажица.
Други несакани ефекти на сода бикарбона се: дијареја, мачнина и осип кои се честа појава и ако не се долготрајни, не претставуваат проблем за здравјето.
Од друга страна, пак, успореното дишење и успорените срцеви отчукувања, се знак за задолжително прекинување на употребата на сода бикарбона.
