Брзото темпо на живот, наметнува постојано трчање и менаџирање на обвврските, при што во огромна мера ги погодува нозете, но и целокупното здравје. Неколку стручњаци адаптирале посебнa вежбa, односно положба на нозте која не бараат напор и време, а обезбедува нормална циркулација и одморност на нозете, како и придобивки за одредени делови во телото. Вежбата треба да трае 10 до 20 минути.
ВЕЖБА – ПОДИГНЕТЕ ГИ НОЗЕТЕ ИСПРАВЕНО
Изберете удобна положба во близина на ѕид и ставете перница под долниот дел на грбот. Подигнете ги нозете и истегнете ги по ѕидот. Рацете треба да бидат опуштени покрај телото. Останете во оваа положба 20 минути. Важно е облеката да не ја попречува или блокира циркулацијата на крв. Носете удобна облека. Обрнете внимание да не лежите премногу одалечени од ѕидот, но ниту премногу доближени.
ЧУВСТВОТО НА ТЕЖИНА ВО НОЗЕТЕ ЌЕ ИСЧЕЗНЕ – Чувството на отеченост и тежина во нозете е поврзано со слаба циркулација. Тоа може да биде предизвикано и со слаба работа на срцето или бубрезите, прекумерна тежина или нездрава исхрана. Секако, мора да се одреди причината за отоците и да се лекува. Но, оваа вежба може да биде добар додаток на главниот третман, бидејќи подигнувањето на нозете допринесува до подобрување на циркулацијата во крвта.
БЕЗ БОЛКА ВО ВИСОКИ ПОПТПЕТИЦИ – Жените често чувствуваат замор кога носат високи потпетици, а тоа е поради слабата дистрибуција на телесната тежина што високите потпетици ја предизвикуваат. По напорниот ден поминат на високи потпетици, кога ќе дојдете дома, соблечете се, подигнете ги нозете и опуштете се.
ФУНКЦИОНАЛЕН ДИГЕСТИВЕН СИСТЕМ – Подигањето на нозете во воздух ја подобрува работата на желудникот. Обезбедувањето на крв во внатрешните органи го подобрува дренирањето на крв од нозете. Мазните мускули кои се одговорни за перисталтиката на желудникот стануваат тонирани (перисталтика е контракција на мускулите потребна за движење на храната при варење).
БЕЗ СТРЕС – Оваа положа обезбедува опуштеност и можност за вдишување повеќе кислород, а со самото тоа и подобрување на циркулацијата. Ова е корисно за нервиот систем и за намалување на напнатоста на мускулите во телото.
ПОКВАЛИТЕТЕН СОН – Една од причините за несоница е непријатното чувство во нозете. Редовното подигање на нозете може да помогне при решавање на тие симптоми. Мозокот ќе добие повеќе кислород преку правилното дишење и подобра циркулација на крвта. Сонот ќе стане подлабок и подобар.
