Паркинсоновата болест е прогресивно дегенеративна состојба, општо окарактеризирана со тресење (тремор), забавеност на движењата (брадикинезија), вкочанетост, како и со абнормалности на држење на телото. Во својата најсериозна форма, поврзана е со длабоко физичко и ментално пореметување.
Оваа болест, како многу други, ги зафаќа и двата пола.
Но, кога се зборува за симптомите, треба да се каже дека се делат на примарни и секундарни, со акцент дека нема со еднаков редослед, интензитет, па дури и појавност, да настанат кај сите пациенти во исто време или воопшто.
ПРИМАРНИ СИМПТОМИ: вкочанетост, тремор (тресење), бавност на движењата (брадикинезија), слаба рамнотежа, проблеми во движењето (неможност за виткање на екстремитетите, нагли смрзнати движења, тешкотии во свртување при одење, трапави чекори).
СЕКУНДАРНИ СИМПТОМИ: депресија, пореметување во спиењето, вртоглавица, запек, деменција, како и проблеми со говорот, дишењето, голтањето и сексуалната функција.
