Без разлика дали сте настинати или ве мачи зарипнатост, доколку имате проблем со грлото, непријатните симптоми донекаде можете да ги ублажите со одделни природни средства. Медот, на пример, може да помогне кај иритирана слузокожа на грлото и воспаление на гласните жици со тоа што делува противвоспалително и антибактериски.
За почеток се препорачува чај со мед – конкретно топол чај од мачина душичка во кој сте додале сок од половина лимон и лажичка мед.
Можете да направите и раствор за испирање на грлото – во шолја врела вода изматете супена лажица мед од лаванда. Кога растворот ќе се излади можете да го користите за правање гаргара неколку пати на ден.
Исто така, можете да ги здружите благотворните дејства на медот и лековитите билки така што во тегличка ќе ставите 125 г мед од лаванда или мајчина душичка и во него ќе додадете 4 лажици провансалска смеса од иситнети зачински болки (оригано, мајчина душичка, рузмарин, мајоран итн.) Се добро измешајте. Од смесата земајте 2 до 3 пати на ден, но не ја голтајте, туку оставете да се растопи во устата.
Кај болки во грлото може да помогне и прополис – може да го користите во вид на пастили, тинктура или така што директно грлото ќе го напрскате со растворот со прополис.
