Медот содржи многу природни карактеристики кои можат да му помогнат на вашето тело во борбата против бактериите и инфекциите, како и да ја врати влажноста на вашата кожа и природниот сјај. Освен за консумација, каде се може да го употребувате медот?
Третман против акни
Благодарение на неговите антимикробни својства и бројни антиоксиданти, медот е одличен како третман против акни – и помага на кожата да оздрави и спречува понатамошно ширење и инфекција. Се што треба да направите е да го измиете лицето и да нанесете на погодената област. По 20-30 минути исплакнете со топла вода.
Балзам за усни
Едноставно лек за испукани усни кој можете сами да го подготвите. Оваа варијанта е подобра од купечката, бидејќи е сосема природна и нема вештачки состојки кои ќе ги намалат ефектите на медот.
Природен лек против несоница
Суровиот мед помага во зголемување на нивото на мелатонин во вашето тело. Како резултат на тоа, вашето тело ќе се смири, што ќе го олесни спиењето. Напијте се половина чаша топло млеко со 2 лажици мед, 3 дена во неделата. Ова ќе ви помогне да го вратите сонот и во исто време да го намалите нивото на стрес.
Лек за болно грло
Постојат многу начини на кои можете да ја намалите болката во грлото, но медот треба да ви биде прв избор. Не само што ќе ги убие бактериите, туку, исто така, ќе направи и мазен заштитен слој на вашето грло. Можете да го измешате со чај и лимон и природно да ја елиминирате болката во грлото.
Помош при изгореници од сонце
Земете една кафена лажичка мед и нанесете ја на погодената кожа. Медот ќе и помогне на кожата да оздрави и истовремено ќе ја намали веројатноста за лупење на кожата.
