Холивудскиот актер во последните неколку години прилично го запусти својот изглед, па често го гледавме во неверојатни изданија – со премногу килограми, брада, стомак… Но откако се соочил со низа здравствени проблеми решил дека е време за радикални промени, па доживеал вистинска трансформација. И не само тоа, открил и како!
Многу љубители на неговиот лик и дело останале во шок кога пред неколку месеци се појави во јавноста непрепознатлив. Кон почетокот на годинава Мел Гибсон е снимен додека излегува од продавница во друштво на 35 години помладата партнерка Росалинда Рос со која го има синот Ларс Џерард.
Брзо стана тема на сите таблоидите кои го коментираа неговиот запуштен изглед, со посебен акцент на огромниот стомак, кој славниот актер никогаш порано не го имал. За среќа, „лошата фаза“ заврши, а моментално се случува неговата трансформација, сето благодарение на еден стручњак кој очигледно мошне добро си ја знае работата.
Имено, Гибсон кон крајот на август стигнал во Австралија во потрага по соодветни локации за снимањето на својот нов фил. За време на една неслужбена вечера во ресторан во Сиднеј, до него дошла Саманта Џексон, нутриционистка и поборничка за здрав живот. Му рекла дека може да му помогне и соработката почнала веднаш.
„Се слушавме секојдневно и тоа по неколку пати. Разменувавме и по 30 пораки, а неколку пати неделно зборувавме и преку видео-повик. Мел е воодушевен што загуби дури 27 см во половината“, открила познатата нутриционистка за медиумите.
За својата промена за еден магазин зборувал и самиот актер, велејќи: „Се плашев од фактот дека не можам ништо да сменам. Сега влегувам во својата стара гардероба и грбот повеќе не ме боли. Многу подобро спијам. Сето ова беше вистинско чудо. Се чувствувам мошне добро и здраво.“
Гибсон открил и дека јадел многу почесто, но подобро и поквалитетно, внесувал и протеински напиток речиси после секој оброк. Освен тоа почнал и да вежба. А открил и што најчесто јадел за да ослабе.
Дневното мени на Мел Гибсон изгледа вака:
Појадок: омлет со домати и сирење, после тоа протеински шејк.
Ручек: пилешко на жар, аспарагус, брокули, грашок и батат, па повторно протеински шејк.
Вечера: печен лосос, варен компир и зелена салата.
Држејќи се строго до упатствата Мел Гибсон за само осум недели загубил 14 килограми.
