Несоницата – инсомнијата главно настанува како последица на наглите промени во расположението, а погодува околу 50 отсто од жените во менопауза. Многу физички промени во телото на жените за време на менопаузата влијаат на промената на менталната и емотивната состојба. На пример, опаѓањето на естрогенот влијае на начинот на кој телото управува со серотонинот и норепринефринот – супстанци кои се поврзани со депресијата. Ниското ниво на естроген резултира со раздразливост, стрес, заборавеност, анксиозност и недостаток на концентрација. Исто така, науката докажала дека кај жените во перименопауза се појавува и повисоко ниво на протеин во мозокот – попознат како моноамин оксидаза, што се поврзува со депресијата.
Докажано е дека жените кои немаат добар однос со партнерот, не се остварени во љубовта, изложени се на голем стрес или се наоѓаат во тешка животна состојба, потешко ја поднесуваат менопаузата и кај нив постои поголем ризик за ментални и емотивни промени. Стручњаците откриле дека вежбањето, поздравиот начин на исхрана, доволното количество сон и поддршката од пријателите им помагаат на жените полесно да се прилагодат на процесот на менопауза.
Редовната физичка активност е совршен начин да го зајакнете физичкото и менталното зравје, ослободува од стрес, го подобрува расположението и дава посветла перспектива во решавање на проблемите.
Сменете го начинот на исхрана затоа што здравата храна ќе влијае на намалувањето на нивоата на стрес, а за време на менопаузата особено се препорачуваат намирници богати со протеини и омега-3 масни киселини.
Не плашете се од менопаузата, следете ги своите симптоми и научете како да ги контролирате. На пример, кога имате напад на паника длабоко вдишете и на себе кажете си дека се ќе биде во ред, ако ви се плаче почнете да се смеете или пуштете ја омилената песна. Многу жени успеале да пронајдат мир и радост за време на менопаузата така што почнале да вежбаат јога, таи чи и медитација.
СОВЕТ: Кај психичките тегоби обавезна е консултација со стручно лице!
