Менструалниот циклус понекогаш доаѓа со цела низа непријатности – од чести промени на расположението, до непријатни и понекогаш многу интензивни болки. Но, понекогаш е многу тешко на мажите да им се опише за какви болки станува збор. Се до сега.
Имено, научниците менструалните грчеви, кои уште се нарекуваат и дисменореа според болката што ја предизвикуваат ги споредиле со срцевиот удар. Поточно, професорот за репродуктивно здравје на Универзитетот во Лондон, Џон Гвилбауд потврдил дека неговите пациентки болката при менструацијата и менструалните грчеви најчесто ги опишувале токму “слични на срцев удар“.
Менструалните грчеви се се уште релативно непознат поим во современата медицина. Односно, според мислењето на стручњаците, не им се посветува доволно внимание.
Одредени истражувања покажуваат дека дури една петина од жените секој месец трпат менструални болки кои ги спречуваат во нормалното функционирање и извршување на секојдневните задачи. Тие болки најчесто траат околу три дена.
