Истражувањето на финските научници покажало дека исхраната со висок процент на животински протеини, која е во тренд откако храната богата со јаглехидрати е прогласена за многу непопуларна и нездрава, може да го зголеми ризикот од срцев застој и до 49 проценти.
Студијата покажала дека кај постарите мажи кои во организмот внесуваат најмногу протеини од животинско потекло и од млечни производи, ризикот од срцев застој се зголемил за 43 до 49 отсто во однос на мажите кои ги консумирале во помали количини.
Светската здравствена организација (СЗО) и други здравствени институции советуваат балансирана исхрана со мали количини на шеќер, но повеќе риба, мешунки, зеленчук и овошје
Кај луѓето чија исхрана се базирала на протеини од сите врсти, ризикот од срцев застој се зголемил за една третина. Треба да се нагласи дека поголем внес на растителни протеини генерално се поврзува со поздрав начин на живот, објаснил еден од авторите на студијата, д-р Јирки Виртанен, вонреден професор по нутрициска епидемиологија на Универзитетот Источна Финска.
Д-р Виртанен вели дека резултатите од неговото истражување ги потврдуваат резултатите од претходните студии кои укажуваат на тоа дека претерување во храна богата со протеини од животинско месо претставува ризик по здравјето, меѓу другото, и за развој на дијабетес тип 2.
Било откриено дека протеините од јајцата и рибите не влијаат на зголемен ризик од срцев застој.
