Научниците од институтот „Роберт Кох“ во Берлин докажаа дека причина за една третина од цревните инфекции кај пациентите е заразата со грам -негативна бактерија од родот на Campylobacter, која обично се наоѓа во животински измет. Таа е „жител“ на дигестивниот систем на речиси сите видови на животни, но, исто така, ја има и кај остригите и други школки.
Ова бактерија се уништува на висока температура, а со оглед на тоа дека храната е главен пат на пренос, неопходна е нејзина добра термичка обработка. Симптомите на болеста обично се јавуваат два до пет дена по инфекцијата со бактеријата, но може да варираат од еден до 10 дена. Вообичаени клинички симптоми се дијареја, болки во стомакот, треска, главоболка, гадење, повраќање. Симптомите обично траат три до шест дена.
Се смета дека главниот пат на пренесување на бактеријата е храната, најчесто поради недоволно термичко обработеното месо, особено пилешкото.
За тежината на болеста говори и податокот дека може да има смртоносен исход кај многу мали деца, луѓе од трето доба и оние со слаб имунитет.
Од институтот „Роберт Кох“ додаваат дека ЕУ до 2018 година планира да ја одреди горната граница на бактеријата Campylobacter кај живината. Истакнуваат дека бактеријата вообичаено се наоѓа во фецесот и дека може да заврши во месото за време на колењето.
Превенцијата од „campylobacteriosis“ подразбира вообичаени хигиенски мерки, како што се миење на рацете, особено после работа со сурова храна и вршење на нужда, миење садови и работни површини, добра термичка обработка на храната, употреба на чиста вода за пиење, темелно миење на овошјето и зеленчукот, кои се јадат сурови и задолжително варење на домашно млеко.
