Како бел ден е јасно дека како што поминуваат годините, така доаѓа и до успорување на метаболизмот, поради што многу луѓе се потешко успеваат да го изгубат вишокот на килограми. Како и да е, освен годините, добро е да се знае што се го успорува метаболизмот, со цел да преземете нешто и подобро да се чувствувате во сопственото тело.
Што се го успорува метаболизмот? Докажано е дека премалиот внес на калории може да доведе до успорување на метаболизмот, а тоа обично се случува кај оние луѓе кои сакаат да ослабат и кои се надеваат дека со помал број на оброци брзо ќе стигнат до посакуваниот резултат. Ова е погрешен начин на размислување, бидејќи ако се намали внесот на потребните калории организмот може да делува на таков начин што ќе почне да го троши мускулното ткиво за да има доволно енергија за секојдневно извршување на бројните задачи.
Ако сакате да ослабнете, потребно е на менито да вклучите различни видови на намирници, кои во себе имаат доволно витамини, минерали и растителни влакна, благодарение на кои телото ќе се придвижи, ќе имате доволно енергија, нема да дојде до насобирање на килограми, а вие ќе се чувствувате подобро.
Постојат повеќе причини поради кои метаболизмот се успорува. Ако сте еден од оние луѓе кои не внесуваат доволно протеини, тоа значи дека организмот не добива доволно потребни состојки и често имате проблеми со замор и недостаток на сила
За метаболизмот да не се успори, бидете сигурни дека во вашите оброци ќе вклучите доволно протеини, без разлика дали се работи за млечни производи како што е јогуртот или, пак, за месо.
Млечните производи му се потребни речиси на секој организам за да добие доволна количина не само протеини туку и калциум. Покрај јогуртот, кој е одличен како пробиотик за подобро варење, не заборавајте ни на млекото, кое е важно, ако не сакате да дојде до успорување на метаболизмот.
Што уште го успорува метаболизмот? Познато е дека преголемата количина на алкохол не е добра за ниту еден организам, а покрај тоа може да предизвика зависност и да создаде големи проблеми со здравјето. Честата консумација на алкохол може да доведе до согорување на далеку помали количини на масти.
Метаболизмот може да се успори и ако внесувате премногу бели јаглехидрати. Треба да се ориентирате кон производи од житарки со цели зрна, како што се интегрални тестенини и ориз, како и сите оние производи во кои има доволно влакна.
Како да го забрзате метаболизмот
Консумирајте ананас – освен што е вкусен содржи и бромелаин, соединение што обично се користи за лекување на проблеми со желудникот. Бромелаинот, исто така, им помага на клетките на панкреасот да ги разгради супстанциите, така што организмот подоцна може да ги искористи за енергија.
Лута храна – содржи капсаицин, кој и покрај фактот што поттикнува потење и го подига расположението, наедно ја забрзува и циркулацијата на крвта и го поттикнува телото да троши повеќе енергија на варење на храната.
Зелен чај – содржи катехини, кои го намалуваат индексот на масата, го забрзуваат метаболизмот и го намалуваат ЛДЛ холестеролот.
Витамин Д – оние кои поминуваат многу време на сонце се повитки и повеќе се движат. Причината е што сончевата светлина го стимулира производството на витамин Д, кој игра важна улога во забрзувањето на метаболизмот.
Етерични масла – грејпфрут, нане и лимон може да ја поттикнат работата на нервниот систем и да го забрзаат метаболизмот. Доволно е да капнете неколку капки во купката или на постелнината.
Кофеин – не е важен само за одржување на будноста, туку и за забрзување на метаболизмот.
Протеини – големата количина на протеини ви помага да се чувствувате сити подолго време и на тој начин да го намалите гладот и да го држите апетитот под контрола. Храната со висок процент на протеини помага во изградбата на мускулното ткиво и придонесува за губење на тежината.
Грејпфрут – богат е со влакна и низок гликемиски индекс, што го прави идеална намирница ако сакате да изгубите неколку килограми.
Здрави навики во исхраната – важно е да внимавате колку јадете и да водите сметка за помали порции.
