Повеќето од нас, вообичаено, на крајот од денот го прераскажувааат преживеаниот работен ден во друштво на партнерот, родителите, пријателот… Но научниците сметаат дека тоа е погрешно. Еве зошто не треба повеќе никому да му го поставувате прашањето: „Како ти помина денот?“
Време е да престанете секоја вечер да опишувате колку ви било напорно на работа и до детали да прераскажувате колку се колегите нефер или како вашиот претпоставен само вас ве затрупува со обврски.
Научниците од Универзитетот Флорида советуваат никогаш да не го правите тоа – да зборувате за негативните нешта од работа, бидејќи тоа само ќе ве врати во негативна атмосфера, повторно ќе ве изнервира и докрај ќе ве исцрпи! После таквиот разговор, ќе признаете, честопати се чувствувате уште пет пати полошо!
Истражувачите, чија статија е објавена во „Harvard Business Review“ против стресот препорачуваат метода позната во психологијата како „3 позитивни работи“. Кога мислите на три добри и позитивни работи во вашиот живот, ги бркате депресивните мисли и му давате шанса на доброто расположение.
Имено, во тринеделната студија научниците ги проучувале вработените кои секојдневно доживувале стрес на работното место, на пример, медицинскиот персонал во брзата помош. Како дел од студијата, луѓето секој ден после работа требало да запишат околу 5 до 10 минути што им се случило позитивно во текот на тој работен ден. Меѓу запишаните реченици, исто така, било и тоа дека се радуваат што е петок, или пак, дека завршиле одлична работа и решиле некоја ситуација.
Веќе после само три недели биле забележани позитивни резултати. Нивото на стрес што го чувствувале значително се намалило. Со запишувањето на позитивни настани од нивниот работен ден, тие едноставно се дефокусирале од проблемот и се фокусирале на настаните и мислите кои им носат чувства на благосостојба.
