![stres](https://panacea.mk/wp-content/uploads/2018/08/stres-1.png)
Миењето садови доколку се прави со свесно внимание и полна концентрација на сегашниот момент, може да делува како антистрес терапија, утврдиле истражувачи од Државниот универзитет на Флорида.
Ова истражување укажува на тоа дека домашните работи како што се миењето садови кога се работат свесно, придонесуваат за намалување на стресот и постигнување на душевен мир. Истражувачите утврдиле дека студенитите, кои миеле садови свесно, имале зголемени позитивни емоционални фактори (како што е инспирацијата), а значително намалени негативни фактори (како што е нервозата).
Испитаници, кои учествувале во овој експеримент биле поделени во две групи. Првата група (контролна), пред да почнат да мијат садови го прочитале текстот кој објаснува како правилно се мијат садови, додека втората група прочитала текст кој објаснува како се мијат садови со полно внимание и концентрација. Благодарение на тоа биле упатени како да посветат максимална концентрација на задачата.
Резултатите покажале дека групата која свесно се концентрирала на задачата, имале за 27 % намалена нервоза и 25 % зголемена ментална инспирација во однос на контролната група. Контролната група, која задачата ја извршувала механички, немала никаква корист од миењето садови.
Истражувачите заклучиле дека свесното миење садови може да биде ефикасен метод да се постигне позитивна ментална состојба и да се намали стресот кој произлегува од надворешните фактори. Свесното внимание може да се активира и при извршување на другите домашни работи, како чистењето на домот, перење алишта или готвење.
Свесното внимание е психолошки процес со помош на кој, поединецот се фокусира на искуствата кои се случуваат во дадениот момент. Тука спаѓаат моменталното окружување, местото, активностите кои човекот ги извршува во секој момент, како што се одењето, прелистување на хартии, седење и слично.
Вежбањето на свесност и свесно внимание може да донее низа психолошки добивки, вклучувајќи и подобра самоконтрола, толерантност кон емоциите, подобрување на концентрацијата, емоционална интелегенција и ментална јасност.