Мигрената е тип на главоболка која не се јавува често, туку периодично и главно е поврзана со интензивен стрес, хормонски пореметувања или нагли промени на временските прилики. Од останатите видови главоболка се разликува по неколку симптоми, кои се карактеристични исклучиво за неа, а тоа се: силна, пулсирачка главоболка која ве оневозможува нормално да функционирате за време на секојдневните активности, чувствителност на звуци и светлина. А може да биде проследена и со мачнина и повраќање. Исто така, мигрената трае значително подолго од класичните главоболки, а тоа е најчесто 24 часа, а во некои случаи без лекување и до 72 часа. Она што е интересно е дека од мигрена почесто патат жените од мажите, со оглед на тоа дека таа е тесно поврзана со хормонските пореметувања, циклусот и менопаузата.
Неколку чекори со кои можете да си помогнете, односно да ги олесните симптомите:
Сменете ја исхраната
Здравата храна влијае на многу позитивни промени во организмот, па може да ви помогне и во лекувањето на мигрената.
Намалете го стресот
Ако сте под постојан стрес заради приватни и деловни проблеми, обидете се да најдете некој издувен вентил. Физичка активност, разговор со личност од доверба, правилно дишење и медитација се некои од начините со кои можете да го намалите стресот, а со самото тоа и главоболката.
Хидрирајте се
Пијте повеќе течности. Хидратацијата на организмот е важна за здрав начин на живот.
