“Кај повеќето луѓе новиот коронавирус не предизвикува компликации и симптомите е можно да се помешаат со оние на грип или настинка“, вели Амеш Адаља од Центарот за безбедност на здравјето Џон Хопкинс.
Иако тоа не е можно со точност да се утврди, сепак постојат некои знаци кои упатуваат токму на прележан КОВИД-19.
“ТЕШКА НАСТИНКА“
На почетокот на пандемијата се верувало дека коронавирусот во САД не се појавил до март, но како што покажуваат резултатите од студијата на Универзитетот во Тексас, на секои две тестирања на грип се појавувал по еден примерок позитивен на коронавирус. Примероците се земени минатата зима, а се претпоставува дека заразата стигнала околу Божик.
Без тест, тешко е заразата со коронавирус да се разликува од настина, но како што истакнуваат стручњаците, настинката обично не предизвикива краток здив, сериозни главоболки и проблеми со дигестијата.
ГУБЕЊЕ НА ОСЕТОТ ЗА МИРИС И ВКУС
Она што е важно да се напомене е дека губењето на осетот за мирис и вкус се јавува и кај грипот, воспаление на синуси или пак силна настинка, но она по кое се разликува во случај на зараза со коронавирус е траењето. Кај заболените со КОВИД-19 тоа може да потрае и неколку месеци.
НЕОБЈАСНИВО ГУБЕЊЕ НА КОСА
Губењето на коса е нов симптом кој во последно време се поврзува со новиот коронавирус. Стручњаците напоменуваат дека, неповрзано со останатите симптоми, губењето на косата може да биде резултат на преголем стрес под кој се наоѓаме во време на пандемија или некоја друга болест.
ОСТАНУВАЊЕ БЕЗ ЗДИВ
Ова е еден од попознатите симптоми на зараза со коронавирусот, а се поврзува со воспаление на белите дробови што го предизвикува.
ЗАМОР
Според една студија, 53% од заболените од КОВИД-19, дури 60 дена од заразата чувствувале голем замор и исцрпеност. Научниците во моментов се обидуваат да откријат дали се работи за последица на индивидуалниот имунолошки одговор или е е тоа начин на кој вирусот функцинира. Треба да се има предвид дека ова може да биде последица и од други болести, како што е случајот со опаѓање на косата – овој симптом на КОВИД-19 доаѓа во комбинација со други.
ДОЛГОТРАЈНА КАШЛИЦА
Според друга студија, 43% од лицата со КОВИД-19 кашлаат 14-21 ден по позитивен резултат на тестирањето. Станува збор за сува кашлица.
НЕОБИЧНИ СИМПТОМИ КОИ НЕ ПОМИНУВААТ
Срцебиење или некое друго здравствено пореметување кое не се подобрува се знак дека треба да ве прегледа лекар. Непознаници околу коронавирусот има многу, а ако не се чувствувате добро и состојбата долго не се менува, време е за одговори од стручно лице, било тоа да е поврзано со коронавирусот или не.
