Магнезиумот е еден од осумте макроелементи кои се важни за нормално функционирање на организмот. Истражувањата покажуваат дека 60 проценти од популацијата го внесува овој минерал во помала количина од потребната. Првите симптоми на недостаток на магнезиум во организмот се вознемиреност, синдром на немирна нога и појава на грчеви, несоница, проблеми со спиењето и умор. Заедно со калциумот и витаминот Д магнезиумот е клучен за изградба на коскеното ткиво, производство на енергија и синтеза на протеини и масни киселини.
Магнезиумот помага во следните ситуации:
Главоболка
Магнезиумот придонесува за намалување на секојдневниот стрес и ја намалува честата главоболка. Тој им е најмногу потребен на лицата со зголемен психички напор.
Несоница
Магнезиумот е природен лек за несоница. Недостатокот на магнезиум може да предизвика пореметување на сонот, констипација, тресење на мускулите или грчеви, анксиозност, нервоза и болка.
Здраво срце
Овој минерал го нормализира срцевиот ритам, го намалува крвниот притисок и го одржува тонусот на крвните садови. Исто така, придонесува за регулирање на шеќерот во крвта.
Грчеви
Поради губење на минералот, многумина патат од грчеви во мускулите на долните екстремитети. Затоа се препорачува зголемен внес на магнезиум кој, исто така, ги ублажува симптомите на ПМС и го намалува зголемениот крвен притисок.
Хроничен замор
Магнезиумот помага во производство на енергија, па затоа се препорачува по физичките активности.
