Пред нас е месец полн со празници, па топло ви препорачуваме во текот на наредните неколку дена да му помогнете на организмот да се опорави полесно од славењата, но и да го подготвите за новите предизвици. Затоа што деновиве не очекуваат многу поводи за наздравување и дегустација на разно-разни специјалитети.
Доколку се најдете во ситуација „претерав“ кажете СТОП, а лошите масти и намирниците кои содржат шеќер, како што се слатките печива, чоколадите, бонбоните и сл. оставете ги настрана. Вашиот избор нека биде помалку масната храна како што се белото месо, салатите и варениот зеленчук. Тука се и намирниците кои обилуваат со здрави масти како што се морската риба, оревестите плодови, маслиновото масло, маслото од семки од грозје… Во приготвувањето на храната користете зачини како што се кари, куркума, бибер, цимет, коријандер, ловор, босилек, оригано и други кои го поттикнуваат чистењето на организмот, додека истовремено придонесуваат и за побогат вкус на јадењата.
