Темите поврзани со срцеви проблеми засегаат голем дел од популацијата. За жал во последно време, старосната граница се повеќе се намалува. Една од болестите која доколку не се дијагностицира и третира навреме може да има и фатални последици е миокардната исхемија.
Што е миокардна исхемија?
Миокардна исхемија се јавува кога протокот на крв во срцето е намален, спречувајќи го срцевиот мускул да добие доволно кислород. Намалениот проток на крв обично е резултат на делумно или целосно блокирање на артериите на срцето (коронарните артерии).
Кои се причините за миокардна исхемија?
Миокардна исхемија се јавува кога протокот на крв во срцевиот мускул (миокардот) е попречен со делумна или целосна блокада на коронарната артерија со таложење на наслаги (атеросклероза). Ако наслагите, познати уште и како плаки пукнат, може да предизвикаат срцев удар (миокарден инфаркт).
Некои луѓе кои имаат миокардна исхемија немаат никакви знаци или симптоми, во тој случај станува збор за тивка исхемија
При ваквата состојба на срцева исхемија, намалена е способноста на срцевиот мускул да пумпа крв. А ненадејната, тешка блокада на една од срцевите артерии може да доведе до срцев удар. Миокардна исхемија, исто така, може да предизвика сериозни абнормални срцеви ритами.
Како се третира?
Третманот за миокардна исхемија вклучува подобрување на протокот на крв во срцевиот мускул. Третманот може да вклучува лекови, процедура за отворање блокирани артерии (ангиопластика) или бајпас хирургија.
Изборот на здрав начин на живот е важен за лекување и спречување на миокардна исхемија.
Препорачливо е барем еднаш годишно да посетите кардиолог за превентивен преглед и утврдување на можни асимптоматски состојби
Симптоми
Некои луѓе кои имаат миокардна исхемија немаат никакви знаци или симптоми, во тој случај станува збор за тивка исхемија.
Кога ќе се појават симптомите, најчест е притисокот или болката во градите, типично на левата страна од телото (ангина пекторис). Други знаци и симптоми, кои може почесто да ги искусат жените, постарите луѓе и луѓето со дијабетес – вклучуваат:
- Болка во вратот или вилицата;
- Болка во рамото или раката;
- Брзо чукање на срцето;
- Скратен здив кога сте физички активни;
- Гадење и повраќање;
- Потење;
- Замор.
Кога да одите на лекар?
Побарајте итна помош ако имате силна болка во градите или болка во градите што не исчезнува. Инаку препорачливо е барем еднаш годишно да посетите кардиолог за превентивен преглед и утврдување на можни асимптоматски состојби.
Во клиниката „Жан Митрев“ на располагање ви е искусен тим доктори специјалисти кардиолози. За да закажете термин кој ви одговара јавете се во контакт центарот: 02/3091-484
