Досегашните студии покажуваат дека веројатност за лажно негативен тест на КОВИД-19 е најголема во првите четири дена пред појавата на симптомите, што се случува во дури 67% од случаевите. Што значи, ако се посомневате дека сте заразени, во првите 24 часа не е препорачливо да се тестирате, бидејќи резултатите кои ќе ги добиете не се валидни.
Според извештајот на експертите од Универзитетот Харвард, првите симптоми од изложување на инфекцијата до зараза со вирусот може да се очекуваат помеѓу вториот и 14 ден, а кај поголем број лица се јавуваат околу петтиот ден.
Некои здравствени стручњаци сметаат дека петтиот ден од изложување на заразата е идеално време за тестирање, што претставува средно време кога симптомите се активираат во телото.
Лице може да биде заразено од 48 до 72 часа пред појавување на првите симптоми, и затоа е важно што побрзо да се стави во изолација. Пред тестирањето, се препорачува и телефонски контакт со матичниот лекар за секојдневно следење на здравствената состојба.
