За минералната вода сте слушале и читале многу, но еве што вели науката за некои од раширените верувања.
МИТ: Минералната вода не може да хидрира како обичната
Низа студии покажале дека по интензивен тренинг минералната вода може да го закрепне организмот исто како и обичната.
МИТ: Минералната вода е лоша за забите и коските
За да дојде до оштетување на забите и коските би требало да пиете огромни количини минерална вода, шест или повеќе литри секој ден. Што се однесува до коските, по студијата која го проучувала влијанието на газираните пијалаци врз густината на коските кај жените, сите минерални води добиле „зелено светло“.
МИТ: Минералната вода одмага при процесот на слабеење
Факт е дека може да предизвика привремена надуеност, но, од друга страна, создава подобро чувство на ситост од обичната вода, особено доколку ја пиете на празен стомак. А ова значи дека минералната вода всушност е сојузник во процесот на слабеење. Имајте на ум дека ова не важи за водите со разно-разни вкусови, бидејќи во нив има вештачки засладувачи.
МИТ: Минералната вода предизвикува киселина
Минералната вода нема да предизвика киселина, но може да ја влоши состојбата доколку веќе ве мачи овој проблем. Ако имате киселина, подобар избор е обичната вода, особено со оброците. Минералната вода ја влошува состојбата бидејќи меурчињата го релаксираат отворот на хранопроводот, со што и олеснуваат на желудочната киселина да се врати во хранопроводот, а со тоа се предизвикуваат киселини.
