Според податоците на Центарот за контрола и превенција на болести, карциномот е втора водечка причина за смртност во САД. Сепак, широката јавност и натаму живее во незнаење и нема вистински информации за оваа болест, а за тоа придонесува и честото ширење на неосновани тврдења. Сето тоа на луѓето им го отежнува разликувањето на вистинските медицински совети од неоснованите заблуди.
Ова се некои од најчестите митови за ракот во кои треба да престанете да верувате:
Консумирањето шеќери ќе ги влоши симптомите на карциномот ако го имате
Клетките на карциномот консумираат повеќе глукоза од остантите клетки, па луѓето поверувале во заблудата дека консумирањето шеќери ќе ја влошат болеста. Но, Националниот институт за рак го оспорува ова тврдење, напоменувајќи дека “нити една студија не покажала дека консумирањето шеќер ќе го влоши карциномот или дека ако престанете да јадете шеќер, ќе се намали или ќе исчезне“.
Консумирањето вештачки засладувачи предизвикува карцином
Луѓето во 70. и 80. станале загрижени кога излегле студии кои покажуваат дека вештачките засладувачи како сахарин и аспартам може да предизвикаат рак кај глувците, но понатамошни испитувања покажале дека тие состојки немаа исто влијание на луѓето. Сега, Американската агенција за храна и лекови (ФДА) тврди дека сите надоместоци на шеќер се безбедни за консумирање.
Користењето мобилен телефон може да предизвика рак
Овој вообичаен мит произлегува од фактот дека мобилните емитираат електромагнетно зрачење. Но, постои разлика помеѓу високофреквентно и нискофреквентно зрачење. Иако високофреквентното зрачење може да го зголеми ризикот од рак, нема црвсти докази дека зрачењето со ниска фреквенција има такво влијание на телото.
Само жените може да добијат рак на дојка
Иако е тоа многу поретко, и мажите може да заболат од карцином на дојка.
Прекумерната тежина нема врска со ракот
За жал, телесната тежина и ризикот од рак се директно поврзани. Според студија од 2015., проценето е дека 3,6 проценти од сите нови случаи на карцином кај возрасни во 2012 се поврзани со прекумерната телесна тежина.
