Дигестив по јадење го подобрува варењето – добро е оброкот да се заврши со мала чашка ликер или ракија, но тоа нема да и помогне на дигестијата. Имено, алкохолот поттикнува производство на желудочна киселина, а таа стимулира создавање на ензим кој помага во варењето на белковините. Дигестивот, односно алкохолот лошо влијае на прекумерната чувствителност на желудочните нерви. Дигестивите не помагаат во процесот на варење на масната храна. Најчесто алкохолот во дигестивниот систем се преработува многу побрзо од мастите.
Доцните оброци дебелеат – ако секојдневно јадете храна богата со калории, ќе ја зголемите телесната тежина. Ако во организмот внесувате премалку калории, ќе ја намалите тежината. За лицата кои спаѓаат во групата на луѓе со нормална телесна тежина, ирелевантно е во кое време ќе јадат. Но, ако лицето сака да ја намали килажата, може да се обиде да престане да јаде пред спиење или навечер.
Кафето влијае на губење на вишокот течности – не е штетно со шолјата кафе да се испие и чаша обична вода, но не е неопходно. Кафето, како и останатите напитоци, спаѓа во девната количина течности кои му се потребни на организмот.
Замрзнатиот зеленчук може да се чува “засекогаш“ – замрзнувањето на намирници е одличен начин некои видови храна долгорочно да се зачуваат. Кога се чуваат на -18 степени повечето хранливи состојки, вкус, но и изглед остануваат исти. Но, со тек на време доаѓа до разградување на намирниците, што значи дека длабоко смрзнатата храна во еден момент повеќе нема добар и квалитетн вкус.
