На Мари Амуро (28) од Оринџ и бил дијагностициран синдром на полицистични јајници кога имала само 20 години, поради што земала апчиња за контрацепција. Поради компликации со циста почнала да користи стероиди, по што почнала да чувствува силна болка и имала краток здив. Лекарот ја отфрлил нејзината загриженост, а краткиот здив им го препишал на стероидите. Мари вели дека никој не ја предупредил дека апчињата може да предизвикаат згрутчување на крвта – а токму тоа и се случило.
Ја спасил пост на Фејсбук за девојка која имала длабока венска тромбоза.
„Пред да ја дочитам статијата, бев во солзи – симптомите беа толку слични на моите“, изјавила Мари Амуро за nine.com.au.
Девојката во левата нога чувствувала таква болка што не можела да застане на неа.
Лекарот дури и не и ја погледнал ногата. Меѓутоа, по читањето на статијата, Мари веднаш отишла да побара второ мислење. Ултразвукот покажал загрижувачки резултати – и кажале дека нејзината нога е полна со крвни згрутчувања. Но тоа било само почеток.
Лекарите извршиле CT скенови за да утврдат дека згрутчувањата завршиле во други делови на телото. Откритието било шокантно.
„Лекарите ми рекоа дека имам масивна пулмонална емболија и дека умирам“, раскажала Мари, додавајќи дека имала среќа што згрутчувањата не биле во срцето или во мозокот
Лекарите и рекле дека причината за нејзините здравствени проблеми е најверојатно комбинацијата на контрацептивни пилули и стероиди. Мари поминала една недела во болница, по што морала со месеци да прима болни инјекции за разредување на крвта два пати на ден. Докторите и кажале дека мора да прима разредувачи на крвта барем една година, што и предизвикува проблеми со исхраната и движењето, а баналните работи како што се миење на забите може да и предизвикаат трајно крвавење.
