Напредокот во лекувањето на ракот, срцевите болести и други главни здравствени состојби, последните години им го продолжи животниот век на милиони луѓе. Меѓутоа, и покрај напредокот зачестеноста на хроничната бубрежна болест и натаму е во пораст и тоа со поголема брзина од сите останати незаразни болести, укажува нова студија.
До пораст на зачестеноста на хроничната бубрежна болест, според истражувањето, е дојдено во последните 15 години. Интересно е тоа дека до порастот на зачестеноста на хроничната бубрежна слабост е присутен и кај млади возрасни лица на возраст од 20 до 54 години. Инаку, појавата на оваа здравстевна состојба во оваа возрасна група била невообичаена.
Треба да се истакне, дека за жал хроничната бубрежна болест е позната и како “тивка епидемија“ бидејќи многу луѓе не се ни свесни за својата болест, се додека таа не дојде во поодмината фаза.
Се смета дека лошите прехранбени навики за кои е карактеристичен висок внес на намирници кои содржат многу шеќер и сол, се одговорни за порастот на зачестеноста на хроничната бубрежна болест. Покрај овие навики, прекумерната тежина, хипертензијата и дијабетесот тип 2, исто така допринесуваат за зголемување на бројот на болни од хронична бубрежна болест.
Лошата исхрана и метаболичките проблеми допринесуваат за таложење на токсини кои можат да ја попречат работата на бубрезите, односно отстранувањето на штетниот отпад од телото.
