Личностите кои џвакаат и јадат побавно одржуваат здрава телесна тежина. Според едно истражување во кое научниците во период од 8 години ја следеле здравствената состојба на група луѓе за да утврдат дека испитаниците кои јаделе побавно за време на периодот на истражувањето помалку се здебелиле, отколку испитаниците кои имале обичај да јадат брзо. Овие резултати не зависеле од индексот на телесната маса, зачестеноста на вежбањето и навиките кога е во прашање алкохолот.
Од друга страна, пак, една друга студија покажала дека личностите кои јадат брзо имаат за 35 % поголем ризик за развој на метаболички синдром т.е. заедно барем три здравствени проблеми како што се хипертензија, зголемено ниво на шеќер во крвта, зголемени триглицериди, ниско ниво на ХДЛ холестерол или наталожување сало во пределот на стомакот.
Бавното џвакање значи согорување повеќе калории?
Едно поново истражување, пак, укажало на тоа дека личностите кои јадат полека и џвакаат се додека убаво не ја иситнат храната во устата, согоруваат во просек по 10 калории повеќе на секои 300 калории кои ќе ги внесат. Темелното џвакање го зголемува дотокот на крв до желудникот и цревата и на месечно ниво ни овозможува да согориме дополнителни 2 000 калории. На годишно ниво оваа навика теоретски би требало да резултира со губиток на околу 3 кг телесна тежина. Интересно?!
И уште една придобивка од бавното џвакање – личностите кои го практикуваат ова – полесно можат да проценат колку се сити, односно гладни и благодарение на тоа внесуваат помалку калории.
