Некои инфаркти се изненадни и интензивни, но голем дел почнуваат полека, со блага болка или нелагодност. Обрнете внимание и побарајте помош доколку ги почувствувате овие симптоми.
- Непријатно чувство во градите
Многу срцеви удари вклучуваат и чувство на непријатност во градите, кое трае повеќе од неколку минути или може да исчезне, а потоа повторно да се појави. Тоа вклучува чувство на непријатен притисок, стискање или болка.
- Нелагодност во горниот дел од телото
Симптомите може да вклучуваат болка или непријатност во едната или двете раце, грбот, вратот, вилицата или стомакот.
- Краток здив
Краткиот здив може да биде придружен со непријатност во градите, но и не мора.
- Други знаци
Останатите знаци вклучуваат ладна пот, мачнина или вртоглавица.
Симптомите се разликуваат кај жените и кај мажите
Како и кај мажите, најчестиот симптом на срцев удар кај жените е болка во градите (ангина) или непријатност. Но, жените имаат малку поголема веројатност од мажите да искусат некои од другите вообичаени симптоми, особено отежнато дишење, гадење/повраќање и болки во грбот или вилицата.
Научете да ги препознавате знаците на срцев удар и не заборавајте дека дури и да не сте сигурни дека се работи за инфаркт, подобро е да се консултирате со лекар, бидејќи во овој случај минутите се многу важни и можат да ви го спасат животот.
