Во истражувањето објавено во магазинот Journal of Consumer Research е наведено дека положбата на телото има влијание на перцепцијата и вкусот и дека храната е повкусна кога се јаде во седечка положба. Истражувачите ја анализирале интеракцијата на системот за рамнотежа, положбата и просторната ориентација со густаторниот сензорен систем кој влијае на мирисот и вкусот. Па затоа би требало да јадете во седечка положба, а лековите со непријатен вкус би требало да ги земате додека стоите.
Востановено е дека силата на гравитацијата ја турка крвта во долните делови од телото заради што телото работи потешко додека пумпа крв во горниот дел од телото, со што се забрзува работата на срцето. Тоа ја активира хипоталамусно – хипофизно-адреналната оска и доведува до зголемување на концентрацијата на хормонот на стрес – кортизол. Ланчаната реакција ја намалува чувствитеноста што влијае на проценката на вкусот на храна и пијалаци, перцепцијата на температурата и количеството на внесена храна.
Кога луѓето чувствуваат непријатност, храната која инаку има добар вкус повеќе не е пријатна за непцето. Тимот истражувачи ја потврдил својата хипотеза тестирајќи 350 личности: Оние кои стоеле дале полоши оценки во однос на оние кои јаделе во седечка положба.
Потоа истражувањето било проширено со воведување на факторот на стрес, па испитаниците од двете групи јаделе овошни грицки додека носат кеси во рацете. Двете групи пријавиле полош вкус од вообичеано, а причината бил товарот кој го држеле.
