Според истражување кое го спровеле научници од Мајо клиниката, многу пациенти со рак на желудник кои се помлади од 60 години имаат генетски и клинички различна болест. Имено, кај нив ракот на желудник побрзо расте и побрзо се шири, отколку кај лицата во постара животна возраст.
Исто така треба да се наведе дека споменатите пациенти имаат полоша прогноза, со оглед дека нивниот карцином е поотпорен на стандардната хемотерапија.
Треба да се спомене дека во последниве неколку децении, зачестеноста на ракот на желудник кај повозрасните лица е во опаѓање, додека кај младите лица е во пораст и сега чини над 30 проценти од сите дијагнози на карцином на желудник.
Се смета дека овој податок е многу загрижувачки, со оглед дека ракот на желудник е многу разорна болест. За жал, кај огромен број помлади пациенти, ракот на желудник се дијагностицира во поодмината фаза од болеста, кога лекувањето е помалку успешно.
Денес, просечната возраст на лице кај кое е дијагностициран рак на желудник е 68 години, но луѓето во 30., 40. и 50. години се во поголема опасност отколку што биле претходно. Според Светската здравствена организација, ракот на желудник е трет по ред најчест причинител за смртност од рак.
